Wasira atembelea ujenzi wa maabara sekondari ya Mchinga

Wazazi mkoani Lindi wametakiwa kuwasomesha watoto wao ili kufuta ujinga na kupunguza  wimbi la vijana wanaokimbilia jijini DSM kufanya biashara ndogondogo maarufu kama Machinga.

Wito huo umetolewa na Waziri wa nchi ofisi ya Rais Mahusiano na Uratibu Mh.Steven Wasira wakati wa ziara ya kukagua miradi ya maendeleo inafadhiliwa mfuko wa maendeleo ya jamii TASAF Mkoani Lindi.

Akikagua ujenzi wa maabara katika shule ya sekondari Mchinga waziri Wasira amesema maendeleo ya nchi yanategemea wataalamu mbalimbali  

wakiwemo wahandisi na madaktari hivyo wazazi hawana budi kuwahimiza watoto wao kuchukua masomo ya sayansi ili waweze kutumika katika kuendeleza rasilimali zilizomo.

Amefafanua kuwa wimbi la uwekezaji linalotarajiwa katika mikoa ya Lindi na Mtwara kufuatia uwepo wa gesi katika eneo hilo na viwanda vinavyojengwa katika mikoa hiyo 

kutahitaji wataalamu waliosomea taaluma mbalimbali hivyo ujenzi wa maabara hiyo ifungue ukurasa mpya wa vijana kujifunza masomo ya sayansi. 

Kukamilika kwa ujenzi wa maabara hiyo kunaibua changamoto nyingine ya upatikanaji wa vifaa vya kufundishia ambapo Mkuu wa shule hiyo Mustapha Nachuma

mafanikio ya kuongeza wanasayansi katika shule hiyo huenda kusifanikiwe kutokana na gharama kubwa za vifaa vya maabara.

Ujenzi wa maabara za fizikia na baiolojia katika shule ya sekondari Mchinga II unatarajia kugharimu Tsh.Mil. 92.6 hadi kukamilka utaongeza ufanisi katika mafunzo kwa vitendo katika masomo ya sayansi.